Nëpërmjet Sindikatës, lojtarë e ligës kanë hedhur poshtë protokollin e prezantuar nga Komisioni i Sportit, ku projektohej rikthimi i skuadrave në stërvitje dhe më pas rifillimi i kampionatit për të përfunduar sezonin.
Sipas futbollistëve, protokolli nuk është i qartë dhe dy janë pengesat më të mëdha. Si fillim kërkohet më shumë siguri, si dhe nga protokolli i prezantuar nuk qartësohet se çfarë do të ndodhë nëse dikur rezulton pozitiv kur futbolli të kthehet në fushë. Sipas mediave spanjolle, ky qëndrim i sindikatës së futbollistëve minon shpresat për një rinisje të La Liga.
Më parë, lojtarët kishin kundërshtuar edhe mundësinë e grumbullimeve të gjata që do t’i mbanin ata larg familjeve. Tema të nxehta që kërkojnë zgjidhje të shpejtë, pasi koha kalon dhe afati i përcaktuar për të mbyllur sezonin ngushtohet ndjeshëm, duke forcuar edhe skenarin francez për pezullim të parakohshëm të kampionatit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
