Një operacion i madh i policisë daneze mbylli dy ura kryesore rrugore të trafikut dhe ndaloi shërbimet e trageteve në Suedi dhe Gjermaninë fqinjë, duke izoluar në mënyrë efektive kryeqytetin e vendit, Kopenhagën, për disa orë.
Ura e Oresundit që lidh Danimarkën me Suedinë, dhe disa ura të tjera që u bllokuan më vonë u rihapën, ndërsa qindra policë dhe ushtarë danezë përdorën makina, helikopterë dhe qentë anti eksploziv për të gjetur makinën e zezë e regjistruar me targa suedeze.
Shoferi dhe dy pasagjerë në makinën Volvo 90, u kërkua në lidhje me "një krim të rëndë", tha policia daneze në një deklaratë, duke shtuar se kushdo që e shihte automjetin duhet që në asnjë mënyrë të mos përpiqet të të kontaktojë me banorët, por menjëherë të njoftojë policinë.
Ishulli lindor i Zelandës, që ndodhet pranë Kopenhagen, u bllokua për rreth dy orë, duke shkaktuar humbje të gjata dhe duke lënë mijëra udhëtarët të bllokuar rreth Kopenhagenit.
Aeroporti i Kopenhagen mbeti i hapur por trafiku nga stacioni qendror i qytetit u pezullua përkohësisht, ndërsa shërbimet e trageteve po lëviznin ngadalë dhe disa trena që lidhnin Danimarkën perëndimore me Kopenhagën kishin bllokuar në disa ndalesa gjatë rrugës.
Transmetuesi shtetëror DR tha se krimi besohet të jetë një rrëmbim, duke shtuar se kërkimi ishte zgjatur mbarëkombëtar. Ushtria daneze konfirmoi se ishte përfshirë në kërkim, por i referoi të gjitha pyetjet në polici.
"Kam kaluar 41 vjet në policinë daneze, kurrë nuk kam parë një veprim të tillë të madh më përpara," tha Hans Jorgen Bonnichsen, ish-kreu i operacioneve në shërbimin e sigurisë dhe të shërbimit të fshehtë danez, për mediat lokale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
