Perëndimi ka treguar reagim “zero” ndaj lëvizjes së supozuar të trupave të Koresë së Veriut në Rusi, që do të thotë se Pheniani mund të dërgojë deri në 100,000 trupa për të luftuar Kievin, ka pohuar lideri ukrainas Vladimir Zelensky.
Rusia as nuk e ka konfirmuar dhe as mohuar praninë e trupave të Koresë së Veriut në tokën e saj, duke thënë thjesht se bashkëpunimi i saj me Phenianin vazhdon sipas një traktati të partneritetit të mbrojtjes.
Presidenti rus Vladimir Putin po “teston reagimin e kombeve të NATO-s” dhe Koresë së Jugut, tha Zelensky në një intervistë me transmetuesin kombëtar të Koresë së Jugut KBS, e cila u publikua të enjten.
“Unë besoj se reagimi deri më tani ka qenë zero,” u shpreh me shqetësim ai.
Pentagoni vlerësoi këtë javë se Koreja e Veriut kishte dërguar 10,000 trupa në Rusi, disa prej të cilëve po shkonin në rajonin e Kurskut, ku Kievi filloi një inkursion në gusht. Presidenti Joe Biden ka thënë se Kievi duhet të sulmojë trupat e Koresë së Veriut nëse ato “kalojnë në Ukrainë”.
Ushtria ukrainase raporton se 3,000 ushtarë të Koresë së Veriut ndodhen në Kursk, tha Zelensky, duke kërkuar një përgjigje më të fortë nga mbështetësit e huaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
