Ish-kontraktori dhe sinjalizuesi i Agjencisë së Sigurisë Kombëtare të SHBA, Edëard Snoëden, kërkon nënshtetësinë ruse. Snowden u arratis në Rusi pasi zbuloi dokumente të klasifikuara në 2013, të cilat zbuluan mbikëqyrjen në shkallë të gjerë që bënte NSA në SHBA, po pret fëmijën e tij të parë.
"Pas vitesh ndarje nga prindërit, gruaja ime dhe unë nuk kemi dëshirë të ndahemi nga djali ynë", shkroi Snowden në Twitter. "Kjo është arsyeja pse, në këtë epokë të pandemive dhe kufijve të mbyllur, ne po aplikojmë për shtetësi të dyfishtë, amerikane dhe ruse".
Kërkesa vjen vetëm dy javë pasi avokati i Snowden njoftoi se atij i ishte dhënë qëndrimi i përhershëm në Rusi.
"Lindsay dhe unë do të mbetemi amerikanë dhe do ta rrisim djalin tonë me të gjitha vlerat e Amerikës që duam - përfshirë lirinë e të menduarit", tha Snowden. "Unë pres ditën kur mund të kthehem në SHBA, kështu që e gjithë familja mund të ribashkohet."
Snowden më parë ka thënë se do të ishte i lumtur të largohej nga Rusia për në Francë, pasi kishte kërkuar azil gjatë presidencës së François Hollande.
Prokurorët amerikanë e kanw akuzuar Snowden për tre krime në 2013: dërgimi i informacionit të klasifikuar tek një palë e paautorizuar, zbulimi i informacionit të inteligjencës dhe vjedhje e pasurisë së qeverisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
