Mosbindja civile/ Balliu: Do ta përshkallëzojmë, nuk ka zgjidhje nëse pushtetit i themi vetëm po

<p>Protesta në hyrje të Tiranës vijon prej më shumë se një ore. Një grup qytetarësh të thirrur nga opozita kanë bllokuar rrugën, ndërkohë që situata po monitorohet nga policia. Në afërsi të sheshit “Shqiponja”, gazetari Mariglen Kume bisedoi me sekretarin organizativ të PD-së, Klevis Balliu.</p> <p>Balliu tha se aksioni do të përshkallëzohet në ditët në vijim.</p> <blockquote> <p><em>Ne kemi bërë një njoftim, nuk marrim leje nga policia. Protesta vazhdon, është esenciale. Është koha të zgjohemi dhe të mos lejojmë që Edi Rama të mashtrojë, duke dezinformuar aleatët tanë. Këto aksione tregojnë se qytetarët janë gati të protestojnë sepse të gjithë kemi një hall dhe ai hall quhet Edi Rama. Ai është njeriu që arreston me SPAK-un çdonjërin që do nga opozita. Ky aksion do të përshkallëzohet. Duke i thënë pushtetit po, si urdhëro, nuk zgjidhet. Ka vetëm një formë për t’u përballur me pushtetin dhe ajo është kjo rezistencë. Edi Rama është kërcënues i shtetit ligjor. </em></p> </blockquote>