Kryeministrja italiane Giorgia Meloni tha se e ka ndjekur me vëmendje të vazhdueshme historinë e gazetares Cecilia Salës që nga dita e arrestimit të saj në Iran, më 19 dhjetor.
Kryetarja e qeverisë italiane thotë se po mban kontakte të ngushta me ministrin e Jashtëm, Antonio Tajani dhe me nënsekretarin Alfredo Mantovano, për të sjellë sa më shpejt në shtëpi reporteren.
"Qeveria, që nga dita e ndalimit të Cecilia Sala, ka punuar për ta rikthyer atë në Itali. Ne po punojmë me Ministrinë e Punëve të Jashtme, ambasadën tonë në Teheran dhe konsullatën. Cecilia Sala ka folur dy herë në telefon me prindërit e saj dhe ka marrë një vizitë konsullore nga ambasadori ynë në Iran. Ajo është në gjendje të mirë shëndetësore”, thuhet në një deklaratë.
Sala është reportere e të përditshmes “Il Foglio” dhe po mbahet në burgun Evin të Teheranit. Sipas “Il Foglio”, Cecilia ishte në Iran "me një vizë të rregullt për të raportuar për një vend që njeh dhe e do", ndërsa vuri në dukje shtypjen e fjalës së lirë dhe kërcënimet ndaj gazetarëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
