Zëdhënësi i Ministrisë së Jashtme të Katarit, Majed Mohammed al-Ansari tha pwr BBC se një propozim i ri në bisedimet e armëpushimit mund të kalojë hendekun e kahershëm midis dy palëve kundërshtare.
Ai thotë se Katari është inkurajuar nga propozimi i fundit, duke shtuar se: “Nëse më pyesni nëse jam më optimist sot se sa disa ditë më parë, do të thosha, po”.
Zëdhënësi i Katarit thotë se Izraeli dhe Hamasi po shikonin nga afër ofertën e fundit.
Al-Ansari, i cili është gjithashtu një këshilltar i kryeministrit të Katarit, thotë se një mori propozimesh ishin tani në tryezën e bisedimeve, duke përfshirë një propozim të ri amerikan.
Ai thotë se presioni nga SHBA do të ishte gjithmonë instrumental në suksesin e çdo bisedimi. Ai nuk hyri në detaje rreth bisedimeve, por thotë se shpreson se së shpejti do të arrijnë marrëveshje për fazën e parë të një plani me tri faza të armëpushimit me fazën e parë të fokusuar kryesisht në çështjet humanitare.
"Ne nuk jemi aspak në fazën e fundit të bisedimeve," paralajmëron Al-Ansari. Ai shton se Katari u inkurajua nga rritja e hyrjes së ndihmave në Gaza, por ende nuk është afër asaj që nevojitet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
