Zhduket shefi i INTERPOL gjatë udhëtimit në Kinë

Franca ka hapur hetimet lidhur me zhdukjen e Meng Hongwei, kreu kinez i agjensisë ndërkombëtare të policisë Interpol, raporton BBC

Familja e tij nuk ka dëgjuar për të që javën e kaluar kur ishte larguar nga zyrat e INTERPOL-it në qytetin francez Lyon, për të udhëtuar drejt Kinës.

"Ai nuk është zhdukur në Francë", tha një zyrtar për AFP-së

Dy vjet më parë, Meng, 64 vjeç, një zyrtar i lartë i Partisë Komuniste në Kinë kandidoi për kreun e INTERPOL-it dhe e fitoi postin.

Hetimet nisën kur bashkëshortja e tij denoncoi zhdukjen e bashkëshortit.

Në një deklaratë, Interpol tha se ishte në dijeni të raporteve të "zhdukjes së pretenduar" të Meng, raportoi agjencia e lajmeve Reuters.

Kjo është një çështje për të cilën po merren autoritetet e të dy shteteve.

Interpol shtoi se sekretari i përgjithshëm jo presidenti ishte përgjegjës për drejtimin e përditshëm të organizatës 192-anëtarëshe.

Si president, Meng udhëheq Komitetin Ekzekutiv, i cili siguron udhëzimin dhe drejtimin e përgjithshëm për Interpol. Mandati i Meng është planifikuar të vazhdojë deri në vitin 2020.