Një person plagoset dhe rrëmbehet nga xhandarmëria serbe në veri të Kosovës

Një shtetas serb dyshohet se është plagosur dhe është rrëmbyer nga xhandarmëria serbe në zonën e Leposaviqit në Kosovë. 

Policia e Kosovës bënë me dije se ngjarja ka ndodhur më 1 Nëntor dhe vendi i ngjarjes raportohet se gjendet brenda territorit të Republikës së Kosovës dhe kufirit me Serbinë. 

Sipas autoriteteve vendase të dyshuarit kanë qenë të maskuar dhe viktimën e kanë dërguar me autoambulancë në drejtim të Nishit të Serbisë.

“Policia e Kosovës, Drejtoria për Hetimin e Krimit të Organizuar dhe Krimeve të Rënda, ka ndërmarrë veprimet e saja hetimore, duke intervistuar dëshmitarë të rastit, përmes të cilëve janë siguruar informacione se disa persona të maskuar kishin hyrë në territorin e Republikës së Kosovës, duke e plagosur dhe rrëmbyer viktimën të cilët pastaj e kishin dërguar në territorin e Serbisë, ku sipas dëshmitarëve me një autoambulancë e kanë dërguar në drejtim të qytetit të Nishit në Serbi.”