Periudha e verës rezulton më e rrezikshmja sipas mjekut infeksionist Pëllumb Pipero, i cili është shprehur për një intervistë në TemA TV, se temperaturat e larta shtojnë shanset e sëmundjeve infektive. Faktori kryesor që ndikon në përhapjen e sëmundjeve si ato të leptospirozës apo hepatitit është akulli.
Mesatarisht rreth 140 rastesh paraqiten çdo ditë në urgjencën e Qendrës Spitalore Universitare Nënë Tereza.
Mjeku specialist shpjegon se akulli shkakton përhapjen e këtyre sëmundjeve, pasi nuk trajtohet në mënyrë të sigurt dhe se mungojnë kontrollet nga ana e shtetit duke shtuar rrezikun për shëndetin e qytetarëve.
Ndërsa zoti Pipero i bën thirrje Autoritetit Kombëtar të Ushqimit të kushtojë vëmendjen e duhur dhe të shtojë kontrollin duke analizuar nëse cilësia e ujit që përdoret nëpër lokalet e ndryshme është e duhura dhe nuk përbën rrezik për shëndetin e qytetarëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
