Pas përfundimit të zgjedhjeve për kryetarin, demokratët do të analizojnë përse humbën zgjedhjet e 25 prillit. PD do të mbledhe sot në 11:00 Kryesinë e PD me axhendë miratimin e metodologjisë së analizës për zgjedhjet parlamentare të 25 prillit.
Po ashtu kryesia do të vendosë edhe për thirrjen e kuvendit kombëtar të partisë më 17 korrik 2021.
Kjo do te jetë mbledhja e parë e kryesisë, pas rikonfirmimit të Lulzim Bashës në postin e kryetarit të partisë demokratike, shoqëruar me akuzat për pabarazi dhe manipulim të procesit, por këto janë çështje të cilat nuk janë përshirë në rendin e ditës.
Lajmi bëhet i ditur nga Sekretari i Përgjithshëm i PD, Gazment Bardhi, i cili përmes një mesazhi drejtuar anëtarëve të Kryesisë zbulon edhe diskutimet në rendin e ditës.
Mesazhi i Bardhit:
Të nderuar anëtarë të Kryesisë, Ditën e premte, datë 18 Qershor 2021, ora 11:00, do të zhvillohet mbledhja e Kryesisë së Partisë, me këtë Rend Dite:
1. Miratimi i metodologjisë së analizës në nivel Qarku, Dege, Grupseksioni dhe Seksione për maskrën zgjedhore të 25 Prill.
2. Thirrjen e Kuvendit Kombëtar të Partisë më datë 17 Korrik 2021, dhe miratimi i rendit të ditës së Kuvendit.
Me respekt,
Sekretari i Përgjithshëm
Gazment Bardhi
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
