Spanja ka lejuar të hënën kthimin e disa punonjësve në punë, në fabrika, zyra dhe në vendet e ndërtimit, ndërkohë që kufizimet u lehtësuan në industri jothelbësore në mes të pandemisë së koronavirusit.
Sektorët që konsiderohen "jo thelbësorë" ranë në "letargji" të përkohshme më 30 mars kur masat e izolimit u forcuan.
Lehtësimi i kufizimit vjen në një kohë kur Spanja ka raportuar shifra më inkurajuese të viktimave dhe një “optimizëm” të kujdesshëm se pandemia mund të ketë arritur kulmin e saj.
Masa për të hequr kufizimet vlen edhe për kompanitë dhe fabrikat, punonjësit e të cilëve nuk janë në gjendje ta kryejnë punën e tyre nga shtëpia. Për ato firma që festojnë festën e Pashkëve, rikthimi në punë do të bëhet të martën.
Rreth dhjetë milionë maska u vunë në dispozicion nga autoritetet, duke u shpërndarë në stacione metro dhe treni njerëzve që përdorin transportin publik.
Por, mbyllja në Spanjë mbetet po ajo për dyqanet me pakicë, baret dhe restorantet, përveç atyre që ofrojnë shërbimin e tyre nëpër shtëpi.
Të hënën Spanja raportoi shifrat e saj më të mira të koronavirusit për rreth tre javë, sipas “Euronews”.
Kryeministri Pedro Sanchez tha të dielën se kombi duhet të balancojë përgjigjen e tij ndaj krizës së koronavirusit, e cila "kërcënon të shkatërrojë jetën dhe në të njëjtën kohë edhe strukturën ekonomike dhe sociale të vendit".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
