Kryetari i Komunitetit Mysliman i Shqipërisë, Bujar Spahiu, ka uruar të gjithë shqiptarët me rastin e festës së Kurban Bajramit, duke përcjellë mesazhe paqeje, harmonie dhe solidariteti.
Në një video-mesazh të publikuar në rrjetet sociale, Spahiu uroi që kjo festë të sjellë “paqe, mirësi dhe begati në familjet tuaja”, ndërsa theksoi rëndësinë e sakrificës, përkushtimit ndaj Zotit dhe kujdesit për njëri-tjetrin.
Ai nënvizoi se Kurban Bajrami është një moment reflektimi dhe afërsie, sidomos ndaj familjeve, të moshuarve dhe njerëzve në nevojë, duke bërë thirrje për më shumë mirëkuptim dhe solidaritet në shoqëri.
Kreu i KMSH-së shprehu gjithashtu urimin që kjo festë të sjellë shëndet, gëzim dhe begati në çdo familje shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
