Gjuhëtari Gjovalin Shkurtaj tha në emisionin “Arnautistan” se mbiemrat do mbeten qeleshja e bardhë e shqiptarëve në Europë, që do të na dallojë nga të tjerët. Gjuhëtari theksoi se në rastin e emrave të rinj të shqiptarëve “e ka marrë ferra uratën”. “Me plojën që është bërë me emrat e njerëzve, vetëm mbiemrat në qoftë se na shpëtojnë gjallë. Ajo që do të mbetet si qeleshja e bardhë e shqiptarëve në Europë do jenë mbiemrat shqiptarët, se te emrat ka marrë ferra uratën. Pas një pune të mirë që është bërë me emra të bukur Fatos, Agim, dhe modës atdhetare që u zbatua sidomos në Kosovë në vitet 80’, tashmë e ka marrë ferra uratën. Luftojnë të vënë emra sa më të çuditshëm dhe gjoja më ekzotik, por harrojnë se në këtë përballje me botën, globalizim, e vetmja gjë që do të mbesë është ajo që na dallon etnonimia”, tha Shkurtaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
