Pjesë e parë spektakolare, Teuta në avantazh ndaj Tiranës

Është mbyllur pjesa e parë në sfidën mes Teutës dhe Tiranës, e vlefshme për javën e dytë të Superiores.

Pas 45 minutave të para, durrsakët janë në avantazh 2-1. Tirana kaloi në avantazh me Florent Hasanin në minutën e 4-t, me sulmuesin që shënoi pas një gafe të mbrojtjes vendase.

Gjithsesi ky avantazh zgjati pak, pasi Teuta barazoi në minutën e 10-të me Realdo Filin nga penalltia.

10 minuta më vonë, erdhi edhe goli i përmbysjes për durrsakët, me Gjinollarin që shënoi me kokë.

Në minutën e 35-të u ndërpre ndeshja për disa minuta, pasi në stadium u fikën dritat, me ndriçimin që u rikthye në gjendjen e mëparshme pas 6 minutash pritje, që u zëvendësuan në fund të pjesës së parë.