Fituesja iraniane e çmimit Nobel për Paqen për vitin 2023, Narges Mohammadi, fillon grevën e urisë në burgun Evin, Teheran.
Narges Mohanmadi përmes një mesazhi nga burgu i Evinit ka njoftuar familjen e saj ditën e sotme se para pak orësh ka filluar grevën e urisë.
Jemi të shqetësuar për gjendjen fizike dhe shëndetësore të Narges Mohanmadi.
Kështu thuhet në deklaratën e familjes, e cila raportohet nga mediat ndërkombëtare.
Mohammadi, gazetare dhe aktiviste kundër regjimit iranian të Ajatollahut Ali Khamenei mbahet në burg për mos mbajtjen e shamisë.
Javën e kaluar, Mohanmadi e cila vuan nga problemet e zemrës dhe mushkërive, për shkak të refuzimit të saj për të mbajtur shami, nuk u dërgua as në infermierinë e spitalit, por u vizitua në burgun e grave.
Autoritetet kanë vendosur të mos e transferojnë në spital derisa të vendosë shaminë.
E arrestuar 13 herë, u dënua pesë herë me gjithsej 31 vite burg dhe 154 rrahje me kamxhik.
Në motivacionin për çmimin, Komiteti Nobel nënvizoi “koston e jashtëzakonshme personale” që aktivistja 51-vjeçare po paguan për “luftën e saj të guximshme” për të drejtat e grave dhe kundër dënimit me vdekje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
