Deputetja demokrate, Jorida Tabaku këmbëngul që çështja Ahmetaj të futet në rendin e ditës si dhe të jetë i pranishëm në Kuvend, kryeministri Rama. Ajo thotë se inceneratorët janë afera korruptive më e madhe e shtetit shqiptar. “Kërkesë e drejtë nga ne. Qeveria u bë avokate e 3 personave në kërkim ndërkombëtar. Është minimumi që qeveria të japë llogari, turp që i keni dalë për zot një afere korruptive. Sot gjysma e grupit parlamentar të PS përmendet në dosje, ka pasur lidhje me këta 3 persona, këta sot duhet të ishin larguar, të ulnin kokën. Sot qeveria nuk mund të fshihet pas një akuzë që PS ja ka bërë për 7 vite me radhë, pasi keni vendosur fytyrën tuaj korrupsionit, dhe pasi keni dëshmuar në komisionin hetimor që nuk keni lidhje. I gjithë këshilli i ministrave, zv ministra, deputetë etj. Është minimumi që të flitet për të këtu sot. Sot nëse kishte përgjegjësi politike duhet të kishin dhënë dorëheqjen, kjo është afera më e madhe e shtetit shqiptar. Kushdo që flet dhe e mbron bëhet pjesë e krimit”, u shpreh Tabaku. Si kundërpërgjigje, ministri i drejtësisë Ulsi Manja u shpreh se heshtja e tyre ka lidhje me reformën në drejtësi dhe se e gjithë kjo është për të respektuar ligjin. “Kur të mbërrijë puna për të na bërë moral për ndershmërinë një pjesë e juaja këtej është fundi parlamentarizmit, por heshtja jonë ka të bëjë vetëm me atë për të cilën në korrik ti vitit 2016 u bashkuam për reformën në drejtësi. Kjo që bëni ju sot është shërbimi më i mirë që i bëni ju krimit dhe këtë dëshironi të përcillni dhe sot. Prandaj kërkoj që kuvendi të bëj punë e vetë , të vazhdojë me rendin e ditës, sepse gjithë retorika e bërë nga krahu i djathtë këtu i shërben krimit dhe nuk e ndihmon drejtësinë të bëjë punën e vetë. heshtja jonë është respekt për drejtësinë dhe ligjin”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
