Reshjet e dendura të shiut në ditët e fundit kanë krijuar sërish problematika në disa zona të vendit.
Autoriteti Rrugor Shqiptar raporton se zona më problematike vijon të mbetet rruga e Dardhës në Korçë, ku për shkak të temperaturave të ulëta rekomandohet qarkullimi me zinxhirë.
Sipas ARRSH-së, në segementet rrugore Ura e Kranës Syri i Kaltër, Lukovë-Bunec, Librazhd-Elbasan, në Kalimash km 107 dhe Shkopet-Ulëz është ndërhyrë për të mbajtur nën kontroll këto akse për shkak të rënies së materialeve në rrugë.
Situata shihet problematike edhe në qytetin e Vlorës, konkretisht në aksin Vlorë-Orikum ku është shembur një pjesë e rrugës dhe bëhet kalimi me një sens.
Gjithashtu gjatë natës një pjesë e tokave bujqësore në Fush-Krujë janë përmbytur.
Ndërsa dalja e lumit Erzen nga shtrati ka izoluar 12 familje në Shijak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
