Në Maqedoninë e Veriut rastet e reja të koronavirusit vijojnë të jenë shumë të larta. Sipas autoriteteve shëndetësore në 24 orët e fundit kanë rezultuar pozitivë 1198 persona nga 3081 teste të kryera gjithsej.
Ndërkohë janë shënuar edhe 26 viktima, të moshës nga 35 deri në 88 vjeçare.
Sa i përket rasteve të reja shumica janë regjistruar në Shkup, respektivisht 572, në Manastir 92, Prilep 53, Kumanovë 41, Ohër 42.
Në 24 orët e fundit janë shëruar 621 pacientë. Numri i rasteve aktive në mbarë vendin ka mbërritur 19 586. Sa i përket komunave të Shkupit më shumë raste aktive ka në Gazi Babë, Aerodrom dhe Karposh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
