Evropa është kontinenti që po nxehet më shumë

Evropa është kontinenti me ngrohjen më të shpejtë, me temperatura që rriten rreth dyfishin e mesatares globale.

Kjo thuhet në raportin mbi “Gjendjen Evropiane të Klimës 2023” të hartuar nga Copernicus dhe Organizata Botërore Meteorologjike (WMO), duke vënë në dukje se tre vitet më të ngrohta kanë qenë që nga viti 2020 dhe dhjetë më të ngrohtat që nga viti 2007.

Vdekshmëria e lidhur me nxehtësinë është rritur me 30% në 20 vitet e fundit.

Sipas vlerësimeve nga Baza e të Dhënave Ndërkombëtare të Fatkeqësive, në vitin 2023 në Evropë 63 njerëz vdiqën nga stuhitë, 44 nga përmbytjet dhe 44 nga zjarret.

Humbjet ekonomike vlerësohen në mbi 13.4 miliardë lekë. Raporti është plot të dhëna dhe kontraste.

“Vera e zgjatur”, qershor deri në shtator, pa valë të nxehti, zjarre, thatësira dhe përmbytje.

 Me vetëm një aspekt pozitiv: prodhimi i energjisë nga burimet e rinovueshme në Evropë ka arritur një rekord prej 43%, duke tejkaluar prodhimin nga burimet fosile.

Por nëse shikoni klimën në Evropën veriperëndimore, qershori më i nxehtë i regjistruar ndonjëherë është përjetuar, ndërsa në zonat mesdhetare reshjet janë regjistruar shumë mbi mesataren e muajit.

Në korrik, ky model pothuajse u përmbys. Në kulmin e valës së të nxehtit të korrikut, 41% e Evropës Jugore u prek nga të paktën “stresi i rëndë i nxehtësisë”, me ndikime të mundshme shëndetësore. Nga njëra anë vapa, nga ana tjetër reshjet të cilat në vitin 2023 në Evropë ishin 7% më të larta se mesatarja. Përgjatë mesatares së rrjetit të lumenjve evropianë, prurjet e lumenjve ishin më të lartat e regjistruara ndonjëherë në dhjetor, me prurje “jashtëzakonisht të larta” në pothuajse një të katërtën e rrjetit të lumenjve.

Në vitin 2023, një e treta e rrjetit të lumenjve të Evropës regjistroi prurje lumore mbi pragun e përmbytjeve të mëdha dhe 16% tejkaluan pragun e përmbytjeve të rënda.