Në përplasjen Basha-Berisha, e humbur është shoqëria shqiptare. Pedagogu Rezart Prifti thotë se konjuktura e sistemit në Shqipëri është e tillë që nuk lë vend për optimizëm sa i takon skenës politike. Në një intervistë në studion e lajmeve në MCN, Prifti përjashtoi mundësinë e largimit të Bashës nga PD-ja. Ndërkohë, sipas Priftit, edhe një rikthim i Berishës në krye të selisë blu nuk sjell asnjë shpresë.
Shoqëria shqiptare është humbësja. Në të ardhmen e mesme e shikoj në pushtet zotin Basha. Do t’i vijë radha. Kaq e thjeshtë është shoqëria shqiptare. Unë përjashtoj mundësinë që të largohet Basha. Ai është aty për shkak të konjukturës së sistemit, por edhe për shkak të konjukturës ndërkombëtare.
Berisha edhe sikur ta marrë sot selinë, nuk ka çfarë bën. Berisha ka militantët, por edhe po të fitojë është i humbur. Edhe po shkoi në seli, ai do të duhet të rikonfigurojë një PD nga fillimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
