Është thirrur sot në orën 11:00 një tjetër protestë para Bashkisë Tiranë ku do të kërkohet sërish largimi i kryebashkiakut Erion Veliaj pas arrestimit të disa drejtorëve të rëndësishëm në lidhje me aferën "5D"
Gazetari Andon Kello në një lidhje të drejtpërdrejtë me studion e MCN Live tha se një gardh metalik është vendosur përreth institucionit të bashkisë.
Masat janë të shtuar. Është vendosur një gardh metalik që në protestën e parë nuk ishte. Është vendosur gardh që rrethon të gjithë Bashkinë e Tiranës.
Para bashkisë do të jenë 250 policë. Ka numër të shtuar policësh, që qëndrojnë në sheshpushimin mes KLSH dhe Ministrisë së Brendshme. Aty është vendosur dhe një autobot me ujë që do të ndërhyjë nëse do të ketë agravim.
Policia e Shtetit ka marrë masa të shtuar për të pasur një mbarëvajtje të protestës.
Dritaret e Bashkisë së Tiranës janë të mbyllur, edhe pse institucioni ka qenë i hapur, punonjësit janë paraqitur. Nuk na e konfirmon njeri nëse Veliaj është i pranishëm në institucion.
Skenari i kësaj proteste është ndryshe nga ai javës së kaluar.
Ka dy kërkesa për mbledhje urgjente të Këshillit Bashkiak.
Nuk evitohet skenari që këshilltarët të hyjnë brenda bashkisë për t’u interesuar se çfarë po ndodh me kërkesat e tyre.
Sipas tyre nuk do të ketë asnjë tentativë për të mësyrë brenda bashkisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
