Rrogozhina do të ketë zgjedhje lokale më 23 korrik, për herë të dytë brenda dy muajsh. Komisioni Qendror i Zgjedhjeve caktoi të dielën e parafundit të korrikut ndërkohë që ka kohë 3 javë për të organizuar zgjedhjet. Ishte Kolegji Zgjedhor i cili pak javë më parë urdhëroi përsëritjen e zgjedhjeve pasi shpalli pavlefshmërinë e rezultatit të zgjedhjeve të 14 majit, pas konstatimit të parregullsive në kutinë e burgut të Rrogozhinës. Ishte kjo kuti e cila përmbysi rezultatin në fund në Bashkinë e vogël të Shqipërisë së Mesme dhe i dha fitoren Edison Memollës së Partisë Socialiste. Kësaj radhe do të ketë një përballje të dytë me kandidatin e koalicionit Bashkë Fitojmë, Shkëlqim Hoxha i cili ngushtoi rezultatin më 14 maj me 20 vota diferencë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
