Filiali i Postës Shqiptare brenda ambienteve të zyrave të Hipotekës në Tiranë është grabitur sot në mesditë.
"Nga veprimet paraprake rezulton se brenda ambjenteve të zyrave të Hipotekës, në filialin e Postës Shqiptare, një person me kapuç, dyshohet nën kërcënimin e armës, ka vjedhur një shumë ende të papërcaktuar lekësh." informon policia e Tiranës.
Sipas informacioneve të para, një person me kapuç të zi në kokë dhe i armatosur ka hyrë në bankë dhe pasi ka kërcënuar me armë arkëtaren dhe personat që ndodheshin aty ka marrë një shumë lekësh dhe është larguar.
Nuk dihet ende shuma e grabitur. Specialistët kundër krimeve kanë kryer veprimet e para hetimore dhe po punojnë intensivisht për sqarimin e plotë të rrethanave të ngjarjes dhe identifikimin dhe kapjen e autorit.
Grabitja ka ndodhur në rrugën "Panorama", pranë ish-stacionit të Trenit në kryeqytet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
