Policia e Tiranës ka identifikuar autorët e plagosjes së shtetasit Libanez. Me anë të një njoftimi për shtyp, Policia e Tiranës thotë se në bashkëpunim me Prokurorinë kanë bërë identifikimin e personave të dyshuar të përfshirë në goditjen me sende të forta ndaj shtetasit libanez F. M., ndodhur më datë 10.09.2016. Sipas policisë, gjithccka ka ndodhur për konfliktin që nisi pas përplasjeve të makinave
Njoftimi i Policisë së Tiranës
Më datë 14.09.2016, u bë arrestimi i shtetasit:
- Skender Kraja, 26 vjeç, banues në Durrës, i dënuar më parë.
Ky shtetas në bashkëpunim me dy shtetas të tjerë dyshohet se më datë 10.09.2016, në aksin rrugorë, Kashar - Rinas, pas një përplasje mjetesh, i cili ka degraduar në konflikt fizik, kanë goditur me sende të forta duke i shkaktuar dëmtime, shtetasit F. M., 55 vjeç, banues në Tiranë.
Gjatë kontrollit në banesë i'u gjet e sekuestrua 35 gr. lëndë e dyshuar narkotike e llojit Cannabiss Sattiva.
Gjithashtu janë referuar materialet në Prokurorinë e Rrethit Gjyqësor Tiranë dhe punohet për kapjen e shtetasve V. D., 32 vjeç, banues në Sukth, Durrës dhe L. M., 39 vjeç, banues në Sukth, Durrës.
Materialet proceduriale i'u kaluan Prokurorinë e Rrethit Gjyqësor Tiranë, për veprat penale "Plagosja e lehtë me dashje e kryer në bashkëpunim" dhe "Prodhimi dhe shitja e narkotikëve", parashikuar nga Nenet 89-25 dhe 283 të Kodit Penal.
Punohet për kapjen e dy shtetaseve të tjerë të dyshuar si autorë të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
