Gjatë vizitës së saj në Rumani, zv.presidentja e SHBA-ve Kamala Harris e konsideroi “të hekurt” angazhimin e Uashingtonit për të mbrojtur anëtarët e NATO-s, në komentet e bëra në shtetin në skajin lindor të aleancës.
“Ne e marrim shumë seriozisht rolin tonë dhe marrëdhëniet që kemi brenda aleancës së NATO-s,” tha Harris në një konferencë të përbashkët shtypi me presidentin rumun Klaus Iohannis.
“Ne e marrim seriozisht dhe jemi të përgatitur të veprojmë sipas fjalëve që themi kur deklarojmë se një sulm kundër njërit është një sulm kundër të gjithëve”.
Harris u pyet gjithashtu për mundësinë e shtrirjes së luftës në Rumani.
“Për sa kohë lidhet me sjelljen e ardhshme të Putinit, nuk mund të spekuloj”, tha Harris. “Por ne jemi të qartë në qëndrimin tonë, që është se si anëtare e NATO-s, një sulm kundër njërit është një sulm kundër të gjithëve”.
Mikpritësi i saj, presidenti rumun, u përpoq të minimizonte frikën se Putini mund t'i kthejë sytë nga Rumania. “Ne nuk kemi informacion se Rumania mund të jetë objektiv agresioni”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
