Të ushqyerit sipas dietës mesdhetare u jep meshkujve një jetë aktive seksuale edhe në moshë të avancuar dhe “çelësi” për këtë është vaji i ullirit.
Konsumimi i 9 lugëve vaj ulliri çdo javë, së bashku me shumë perime, fruta, peshk dhe fasule, e ul rrezikun e çrregullimeve të ereksionit me 40%.
Rezultatet e studimit të kryer nga Universiteti i Athinës janë paraqitur në Konferencën e Shoqatës Europiane të Kardiologjisë në Mynih.
Studiuesit kanë mbajtur nën vëzhgim shëndetin e 670 meshkujve me moshë mesatare 67 vjeç, të gjithë banorë të ishullit grek Ikaria.
Ata arritën në përfundimin se nëntë lugë vaj ulliri, 13 racione perimesh, 6 fruta, tre racione peshk dhe dy racione fasule u garantojnë meshkujve një jetë seksuale aktive edhe në të 70-at.
Studiuesit thonë se dieta mesdhetare i ndihmon meshkujt të kenë zemër të shëndetshme dhe enë gjaku të pastra, çka garanton qarkullim të mirë të gjakut në të gjithë trupin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
