Në tre ditë, aplikacioni Threads u shkarkua më shumë se 2.6 milionë herë në Kontinentin e Vjetër.
Italia është në vendin e parë me 1.06 milionë shkarkime, e ndjekur nga Gjermania me 550.000 instalime dhe Franca me 440.000.
Pasojnë Spanja dhe Polonia, përkatësisht me 350,000 dhe 45,000 shkarkime.
Threads u lançua zyrtarisht në mbarë botën korrikun e kaluar.
Por Meta-s iu desh të bllokonte aksesin për të gjithë përdoruesit evropianë ndërkohë që u përshtat me rregulloret e reja të Bashkimit Evropian, Aktin e Tregjeve Dixhitale .
Para mbërritjes së saj në Evropë, platforma kishte më pak se 100 milionë përdorues mujorë në mbarë botën, sipas shifrave të komunikuara nga Mark Zuckerberg tetorin e kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
