Vendi ynë do të mbetet nën ndikimin e kthjellimeve, por pasdite parashikohet shtim i vranësirave në zonat jugperëndimore.
Mbetet në ndikimin e kthjellimeve dhe vranësirave të lehta në të gjithë vendin tonë. Këto kushte atmosferike vijojnë deri pas mesditës kur parashikohet shtim i vranësirave në zonat jugperëndimore dhe gradualisht gjatë mbrëmjes vranësirat e dendura do të përfshijnë gjithë territorin shqiptar. Parashikohet që edhe nata të jetë në mbizotërimin e motit të vranët.
Sipas MeteoAlb, temperaturat e ajrit rriten në vlerat minimale por ulen lehtë në vlerat maksimale duke u luhatur nga 13°C mëngjesi në juglindje deri në 30°C mesdita në qarkun e Elbasanit.
Era do fryjë e lehtë dhe mesatare duke arritur shpejtesinë 30 km/h, nga drejtimi Perëndimor, kjo do të bëjë që në brigjet detare të gjenerohet dallgëzim 2 ballë.
Rajoni dhe Europa
Brigjet Veriperëndimore të Kontinetit Europian dhe pjesëëtisht Europa Juglindore do të paraqiten në ndikimin e vranësirave të shpeshta dhe rrebesheve të shiut.
Po ashtu me vranësira dhe shira me intesitet të lartë vijon Lindja e kontinenti. Ndfërsa mot me diell dhe i ngrohtë mbizotëron Europën veriore dhe atë Jugperëndimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
