Shërbimi Federal i Sigurisë së Federatës Ruse, FSB, thuhet se është ngarkuar për vrasjen e liderit të milicisë Wagner, Yevgeny Prigozhin, pas rebelimit të dështuar të udhëhequr nga trupat e tij gjatë fundjavës. Një deklaratë e tillë është bërë e ditur nga kreu i inteligjencës ushtarake të Ukrainës, Kyrylo Budanov, gjatë një interviste për “The War Zone”, cituar nga agjencia Ukrinform. “Ne e dimë se FSB-ja është ngarkuar të vrasë Prigozhin. A do të mund ta bëjnë këtë? Do të shohim me kalimin e kohës. Të gjitha tentativat e mundshme për vrasje nuk do të jenë të shpejta. Do të duhet kohë për të pasur qasjen e duhur dhe për të arritur në fazën ku të jemi gati për një operacion të madh”, nënvizoi përsëri kreu i 007 nga Kievi. “Sërish dua të theksoj se është një pyetje e madhe e hapur, a do të mund ta zbatojnë urdhrin, a do të kenë guximin ta zbatojnë atë urdhër?”, pyeti në mbyllje Budanov.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
