Kancelarja gjermane Angela Merkel ka ofruar një zgjidhje për të thyer bllokimin për daljen e Mbretërisë së Bashkuar nga Bashkimi Europian, duke bërë thirrje për një kompromis "krijues" për të zbutur shqetësimet mbi të ardhmen e marrëveshjes të kufirit irlandez.
Mbretëria e Bashkuar do të largohet nga BE për 53 ditë, megjithatë kryeministrja Theresa May dëshiron ndryshime të minutës së fundit të një marrëveshje divorci të rënë dakord me BE nëntorin e kaluar por gjthçka u hodh posht nga ligjvënësit në parlamentin britanik.
Merkel tha se nuk donte që marrëveshja e tërheqjes të rinegociohej, por ajo shtoi se pyetjet e vështira mund të zgjidheshin me kreativitet, hidhërimi më i fortë deri më sot që lideri më i fuqishëm i BE-së mund të ishte i përgatitur për të bërë kompromis.
"Patjetër që ka mundësi për ruajtjen e integritetit të tregut edhe kur Irlanda e Veriut nuk është pjesë e saj sepse është pjesë e Britanisë dhe në të njëjtën kohë përmbush dëshirën për të pasur, nëse është e mundur, asnjë kontroll kufitar", tha Merkel .
"Për të zgjidhur këtë pikë ju duhet të jeni krijues dhe të dëgjoni njëri-tjetrin, dhe diskutime të tilla mund dhe duhet të zhvillohen", tha Merkel në një konferencë shtypi me kryeministrin japonez Shinzo Abe në Tokio.
Merkel tha se çështja e kthimit në kufirin Irlandez mund të zgjidhet si pjesë e një diskutimi mbi një marrëveshje të veçantë mbi marrëdhëniet e ardhshme midis Bashkimit Europian dhe Mbretërisë së Bashkuar, duke ofruar një rrugë të mundshme nga bllokimi.
Qëndrimi i Merkelit për Brexit është i nxitur nga padurimi për të ruajtur integritetin e BE-së dhe tregun e saj të brendshëm, të cilat janë thelbësore për identitetin dhe prosperitetin e Gjermanisë pas luftës, ndërsa gjithashtu e mban Britaninë afër bllokut edhe pas largimit.
Merkel gjithashtu e vlerëson Britaninë si një partner të një mendjeje të ngjashme dhe dëshiron të ruajë ekspertizën e sigurisë në afërsi të tij.
"Ne ende mund të përdorim kohën për të arritur një marrëveshje nëse të gjithë tregojnë vullnet të mirë", tha Merkel.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
