Komisioni i Pavarur i Kualifikimit, KPK shpalli të enjten më 27 prill 2023 vendimin për konfirmimin në detyrë të prokurorit të Lezhës, Ylli Pjetërnikaj. Po ashtu u vendos të transferohen për verifikim të mëtejshëm pranë Inspektorit të Lartë të Drejtësisë katër çështje penale të hetuara nga subjekti, për të cilat u evidentua se ishte konstatuar e njëjta gjetje. Vendimi u mor me shumicë votash nga trupa e KPK e kryesuar nga Etleda Çiftja, me relatore Firdes Shulin dhe anëtare Suela Zhegun.
Gjatë seancës dëgjimore më 24 prill, Pjetërnikaj dha shpjegime mbi të ardhurat e familjes që kishin shërbyer në ndërtimin e një shtëpie në Tropojë, si dhe iu kërkuan sqarime për disa denoncime në kriterin e aftësive profesionale. Pjetërnikaj përfundoi studimet në Shkollën e Magjistraturës në vitin 2014 dhe ka punuar si prokuror në Kukës, Shkodër Lezhë dhe në Tiranë. Ai është angazhuar në mësimdhënie në Fakultetin e Drejtësisë dhe në disa institucione arsimore private.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
