Pamjet e mahnitshme të ditës më të ngarkuar të fluturimit me avion në qiellin e tokës (VIDEO)

Pamjet e mahnitshme që tregojnë më shumë se 202,000 avionë që kalojnë Tokën në një ditë të vetme janë kapur nga faqja e internetit FlightRadar24.

Dita më e ngarkuar për fluturime u regjistrua të premten, me rreth 202,157 aeroplanë që fluturuan nëpër qiellin e tokës.

Faqja ka publikuar edhe një skicë të fluturimeve që tregon masë avionësh që pothuajse mbulojnë qiellin duke e kthyer atë në një det të verdhë. Postimi në Twitter u shpërnda më shumë se 12.000 herë.

FlightRadar24 tha se ishte dita më e ngarkuar këtë vit, dhe dita më e ngarkuar që ata kishin regjistruar ndonjëherë. Organizata e ndjekjes globale të fluturimit u themelua në vitin 2006. Gjithashtu tha se ishte hera e parë që organizata kishte ndjekur më shumë se 200,000 fluturime në një ditë të vetme.

"Në kulmin e ditës, mbi 19,000 fluturime ishin në ajër në të njëjtën kohë", tha ajo.

Faqja e internetit FlightRadar24 gjurmon çdo aeroplan në ajër me një transponder. Grupit iu kërkua se cili ishte numri më i vogël i fluturimeve të regjistruara në një ditë dhe tha se ishte më 25 dhjetor me 101,511 fluturime. "Krishtlindja është zakonisht dita më e vështirë e vitit", shpjegon FlightRadar24.

Gjithashtu faqja theksoi se java e fundit e gushtit është në përgjithësi koha më e ngarkuar për fluturimet. Të enjten ose të premten e një fundjave pushimi në Evropë dhe në SHBA janë më të ngarkuarit.