Inaugurimi i Trump, Netanyahu: Ditë më të mira të aleancës tonë do vijnë. Zelensky: Të arrijmë një paqe të drejtë

Nga sot Donald Trump është presidenti i 47- të i Shteteve të Bashkuara të Amerikës.

Kryeministri izraelit Benjamin Netanyahu ka uruar sot Trump, duke parashikuar se “ditët më të mira” në marrëdhëniet mes dy vendeve do të vijnë në vitet e ardhshme.

Ditët më të mira të aleancës sonë nuk kanë ardhur ende. Besoj se bashkëpunimi ynë do ta çojë aleancën SHBA- Izrael në lartësi edhe më të mëdha.

Congratulations President Trump!

Sara and I send our warmest wishes to you, Melania and the American people on your second inauguration as President of the United States.@realDonaldTrump pic.twitter.com/AMlTQFRMMP

— Benjamin Netanyahu (@netanyahu) January 20, 2025

Po ashtu dhe presidenti ukrainas Volodymyr Zelenskiy uroi Donald Trump për inaugurimin e tij si president i SHBA duke thënë se ai po pret me padurim një “bashkëpunim aktiv dhe reciprokisht të dobishëm”.

Zelenskiy shprehet se Trump do të ofrojë një mundësi për paqe afatgjatë e të drejtë në luftën e Ukrainës.

Presidenti Trump është gjithmonë vendimtar dhe paqja përmes politikës së forcës që ai njoftoi ofron një mundësi për të forcuar udhëheqjen amerikane dhe për të arritur një paqe afatgjatë dhe të drejtë, e cila është prioriteti kryesor.

Disa orë para inaugurimit të tij edhe presidenti rus Vladimir Putin nxitoi të urojë Donald Trump për marrjen e detyrës.

Ai tha gjithashtu se është i hapur për dialog me administratën e re amerikane për Ukrainën dhe armët bërthamore. Putin i bëri këto komente gjatë një takimi të Këshillit të Sigurimit të Rusisë.