Gjykata e Posaçme e Krimit të Organizuar dënoi me 9 muaj burg, kryebashkiakun e Kuçovës, Kreshnik Hajdari, i akuzuar për “falsifikim dokumentesh”, dënim që do të konvertohet në 150 orë punë komunitare.
Në një prononcim për mediat pas vendimit, avokati i Hajdarit tha se kjo masë sigurie nuk ndikon në ushtrimin e detyrës së klientit të tij.
Një reagim ka ardhur edhe nga Lefter Maliqi, rivali i Hajdarit në bashkinë Kuçovë gjatë zgjedhjeve lokale.
Përmes një postimi në rrjetet sociale Maliqi shprehet se kryeministri Rama duhet ta shkarkojë nga detyra Hajdarin në bazë të “ligjit të Dekriminalizimit” dhe sipas tij Kuçova duhet të kalojë në zgjedhje të parakohshme për 45 ditë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
