Eksperti i çështjeve ligjore, Çlirim Gjata në një lidhje me skype për MCN, tha se situata e krijuar në qarkun e Dibrës ku ende nuk ka nisur votimi, është e qëllimshme. Sipas Gjatës ky është një problem i qeverisë, pasi duhet të ishin marrë masa që dje dhe paralajmërimi për mot të keq ishte bërë prej ditësh.
“Problem është se reshjet e dëborës kanë shkaktuar bllokimin e shumë rrugëve duke krijuar pamundësi për të shkuar për të votuar. Ndërkohë ka dhe mungesë të dritave në njësi administrative që mbajnë me dhjetëra qendra votimi. Ky është problem I qeverisë, duhet të ishin marrë masa që dje. Qeveria e bënë qëllimisht këtë, pasi ministra kanë ardhur duke qëndruar këtu dhe dukë bërë fushatë për kandidatin e tyre. Ministria e Transportit ka një muaj që bënë fushatë këtu dhe sot që duhej nuk është këtu.”, u shpreh Gjata.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
