Parlamenti izraelit, Knesset, miratoi ditën e sotme një ligj i cili u lejon autoriteteve që t’u heqin shtetësinë “të shpallurve fajtorë për terrorizëm” nëse zbulohet se marrin fonde nga Autoriteti Palestinez si shpërblim për aktet e terrorizmit, të cilët janë dënuar.
Ky ligj i ri, përveç heqjes së shtetësisë, i lejon qeverisë izraelite të revokojë, për të njëjtat arsye, lejen e përhershme të qëndrimit të palestinezëve në Jerusalemin Lindor, pjesa lindore e qytetit që Izraeli pushtoi dhe aneksoi.
Ligji prek disa dhjetëra arabë izraelitë (palestinezë që kanë nënshtetësi izraelite) dhe qindra banorë të Jeruzalemit Lindor të cilët janë dënuar nga gjykatat izraelite, sipas OJQ-së izraelite të të drejtave civile, Hamoked.
Projektligji u miratua me 94 vota pro dhe 10 kundër.
Sipas ligjit aktual, nëse dikujt i hiqet shtetësia izraelite, ata mund të depërtohen më pas në territoret e kontrolluara nga Autoriteti Palestinez në Bregun Perëndimor ose në Rripin e Gazës, enklavë e kontrolluar që nga viti 2007 nga grupi islamik palestinez Hamas.
Heqja e shtetësisë kërkon vendim gjykate, ndërsa heqja e lejes së qëndrimit mund të bëhet me vendim ministror.
“Përgjigja jonë ndaj terrorizmit është ta godasim atë me forcë”, shkroi kryeministri Benjamin Netanyahu në një postim në Twitter.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
