“Dukuria e rritjes marramendëse të çmimit të gazit e të karbonit në të gjitha tregjet ndërkombëtare, si edhe trendi i fortë i rritjes së çmimit të naftës, shoqëruar me një rritje të përgjithshme çmimesh të prodhimeve të konsumit të përditshëm, qëndrojnë sot para të gjitha vendeve, si siluetat e një ushtrie armike në horizontin e dimrit të vështirë që bota ka përpara.”
Kjo ishte emergjenca e tretë kombëtare që ka shpallur kryeministri.
Në 2019-n Shqipërinë e goditi tërmeti. Në nisje të vitit 2020 pandemia dhe tashmë pa u mbyllur mirë viti 2021, nis kriza energjitike.
Sinkron “Kjo krizë e re na vendos me detyrim-përcaktim para një sprove të re, po aq të fortë sa tërmeti, dhe sa pandemia në aspektin ekonomik e social.”
08.10.2021
Çdo vit Shqipëria ka nevojë për 7 terravat orë energji elektrike.
E gjithë kjo sasi mbulon nevojat për konsumatorët familjarë, bizneset, institucionet shtetërore dhe humbjet në rrjetin energjitik.
Me çmimet e sotme të tregut kjo sasi energjie vlen 2 miliard euro.
Familjarët kanë nevojë për gjysmën e konsumit dhe pjesa tjetër ndahet mes bizneseve dhe institucioneve publike.
1 e pesta e energjisë që konsumohet humbet.
Këto janë një nga çarjet më të mëdha të sistemit elektroenergjitik shqiptar që nuk po merr zgjidhje prej vitesh.
Vlera e energjisë që ka shkuar dëm vetëm për 8 muajt e këtij viti është 285 milion euro.
Nëse bëhet ndarja e asaj që vazhdon të vidhet nga qytetarët e bizneset dhe asaj që humbet për shkak të rrjetit të amortizuar, raporti është ky: 100 milion euro janë vjedhur dhe 185 milion euro kanë shkuar dëm për shkak të gjendjes së rrjetit.
Grangrena e humbjeve futi në krizë 10 vite më parë gjithë sistemin energjtik.
Në ato kohë humbjet arrinin 45%, pra gjysma e asaj që kalonte në rrjet ose vidhej ose shkonte dëm.
Qeveria socialiste e sapo ardhur në pushtet ndërmorri një reformë të ashpër dhe të drejtë:
Frika e arrestimeve, ndërprerjet e energjisë për debitorët dhe detyrimi i qytetarëve të lidhin marrëveshje për të paguar detyrimet përmirësoi bilancin e sektorit.
Sipas llogaritjeve të Kronos nga viti 2014 dhe deri në fund të vitit të shkuar OSHEE ka futur në arkën e saj 560 milion euro për energjinë e pafaturuar ndër vite.
700 milion euro të tjera kanë hyrë në buxhetin e kompanisë së shpërndarjes nga përmirësimi i normës së arkëtimeve, unifikimi i çmimit të energjisë dhe rritja e konsumit.
Por edhe pse të ardhurat vetëm nga reforma e dhimbshme e sektorit u shtuan me 1.26 miliard euro, trokitja e krizës vitin e shkuar e përballi me një situatë “dejavu” kompaninë njësoj si një dekadë më parë kur energjia vidhej, nuk paguhej dhe shumica e rrjetit ishte i amorituzar: shteti po ndihmonte për të përballuar faturën e importit.
Nga e gjithë kjo tablo natyrshëm lind pyetja: ku kanë shkuar paratë dhe ku është gabuar?
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
