Situata në Shkodër, nën ujë mbi 1500 hektarë tokë (VIDEO)

Tokat bujqësore në zonën e NënShkodrës janë mbuluat thuaje tërësisht nga uji, si pasojë reshjeve me itensitet të lartë. Bashkia e Shkodrës ka informuar mëngjesin e sotëm se është përmbytur një sipërfaqe prej 1585 hektarë tokë.

Në njësinë administrative Ana e Malit, vazhdon të jetë e bllokuar rruga për në Obot për mjetet e ulëta. Rruga e Obotit është e kalueshme vetëm me mjete të larta. Niveli i ujit mbi rrugë arrin mbi 50cm. Ujësjellësi Oblika 1, si pasojë e përmbytjeve është jashtë funksionit por UKSH ka furnizuar me ujë të pijshëm banorë të fshatit Oblikë.

Sipërfaqja e tokës bujqësore e përmbytur vlerësohet në 850 Ha, kryesisht në fshatrat Obot, Muriqan,Oblikë. Në Dajç, sipërfaqja e tokës bujqësore e përmbytur vlerësohet në 610 Ha, kryesisht në zonën e quajtur “Këneta e Dajçit”, (fshatrat Dajç, Mushan, Shirq, Suka-Dajç, Pentar), nga të cilat: Tokë e pakultivuar 245 Ha.

Në Njësinë administrative Guri i Zi, sipërfaqja e tokës bujqësore e përmbytur vlerësohet në 5 Ha, kryesisht në fshatin Rrenc. Në Velipojë sipërfaqja e tokës bujqësore e përmbytur vlerësohet në 30 Ha, kryesisht në fshatrat Ças,Reç (këneta Reçit),Baks i Ri.

Në Bërdicë sipërfaqja e tokës bujqësore e përmbytur vlerësohet në 100 Ha, kryesisht në fshatin Trush (fusha e stomes), Bërdicë e Madhe. Ndërsa vazhdon gerrryerja e tokës bujqësore nga lumi Drin në vendin e quajtur Harku i Bërdicës, fshati Bërdicë e Sipërme.

Vazhdon gerrryerja e tokës bujqësore nga lumi Kir në vendin e quajtur Bardhaj, fshati Bardhaj. Gjithashtu ka rritje të nivelit të ujit nga Liqeni i Shkodrës, në zonën e Livadeve dhe Dobraç. Vazhdon gerrryerja e tokës bujqësore nga lumi Kir në vendin e quajtur Bardhaj, fshati Bardhaj. Gjithashtu ka rritje të nivelit të ujit nga Liqeni i Shkodrës, në zonën e Livadheve dhe Dobraç. Bashkia kërkohet t’u vihet në dispozicion banorëve të Obotit një varkë dhe një makinë ushtrie.