Polonia kujton 85-vjetorin e pushtimit nga Gjermania naziste, Tusk: Lufta po vjen sërish nga lindja

<p>Polonia shënoi sot 85-vjetorin e nisjes së Luftës së Dytë Botërore. Gjatë ceremonisë vjetore përkujtimore të mbajtur në përkujtim të sulmeve të para të Gjermanisë naziste që shkaktuan konfliktin vdekjeprurës, kryeministri Donald Tusk tha se mësimet e Luftës së Dytë Botërore "nuk ishin abstraksion" dhe tërhoqi paralele me luftën në Ukrainën fqinje.</p> <p>"<strong><em>Kjo luftë po vjen përsëri nga lindja</em></strong>," tha ai.</p> <p>Ai u bëri thirrje vendeve anëtare të NATO-s që të jenë "plotësisht të përkushtuara ndaj mbrojtjes... kundër agresionit që po shohim sot në fushat e betejës së Ukrainës".</p> <p>Gati gjashtë milionë polakë vdiqën në konfliktin që vrau më shumë se 50 milionë njerëz në total, duke përfshirë gjashtë milionë hebrenj që vdiqën në Holokaust, gjysma e të cilëve polakë.</p> <p>Ceremonia e përkujtimit u mbajt në Westerplatte, në bregun baltik të Polonisë, ku një luftanije gjermane naziste hapi&nbsp;zjarr mbi një fortesë polake 85 vjet më parë.</p> <p>Sulmet e Adolf Hitlerit në Poloni bënë që Britania dhe Franca t'i shpallin luftë Gjermanisë naziste. Më 17 shtator, Bashkimi Sovjetik pushtoi Poloninë.</p> <p>Pasi nazistët prishën paktin me Moskën, dy aleanca e luftuan atë: fuqitë e Boshtit të udhëhequra nga Gjermania, Italia dhe Japonia dhe forcat fitimtare aleate të udhëhequra nga Britania, Bashkimi Sovjetik dhe Shtetet e Bashkuara.</p> <p>Presidenti polak Andrzej Duda mori pjesë në përkujtimet në qytetin perëndimor polak të Wielun, ku ranë bombat e para të Gjermanisë 85 vjet më parë.</p> <p>Duda tha se “falja” nga Gjermania nuk mjaftonte dhe bëri thirrje për dëmshpërblime, duke shtuar: “<strong><em>Kjo çështje nuk është zgjidhur</em></strong>”.</p> <p>Edhe pse kanë kaluar 85 vjet që nga fillimi i luftës, sipas Polonisë ka ende çështje të pazgjidhura.</p> <p>Qeveria aktuale pro-BE e Polonisë e udhëhequr nga Tusk i ka kërkuar Gjermanisë që të sigurojë kompensim financiar për humbjet që vendi ka pësuar nga trupat naziste.</p>