Listat e hapura të deputetëve, Vasili: Do ta propozojmë në Komisionin e Reformës Zgjedhore

Lëvizja Socialiste për Integrim do të propozojë në Komisionin e Reformës Zgjedhore idenë e listave të hapura të deputetëve.

Në emër të LSI-së, nënkryetari Petrit Vasili, tha se lista të tilla janë praktikë evropiane, duke shtuar se këtë ide do ta propozojë edhe në komisionin e reformës zgjedhore.

“Listat e hapura praktike evropiane, këtë do e propozojmë dhe në komisionin e reformës zgjedhore. Sa për kundërshtitë që mund të ketë mbi to, secili ka opinionin e tij”, tha ai.

Ideja e listave të hapura për deputetë është propozuar pak ditë më parë nga kreu i Kuvendit, Ilir Meta.

Kreu i LSI-së tha se, kjo formë e bën demokracinë e drejtpërdrejë dhe demokratizon forcat politike.