Presidenti ukrainas Volodymyr Zelensky bëri thirrje për sanksione të mëtejshme ndaj Rusisë gjatë një fjalimi online në parlamentin australian këtë të enjte.
“Distanca mes vendit tonë është e madhe,” tha Zelensky, “por nuk ka diçka të tillë si distanca nga brutaliteti i rusëve në tokën tonë ukrainase”.
Zelensky paralajmëroi për implikime të mëdha për sigurinë globale nëse Rusia nuk ndalet dhe foli gjithashtu për atë që do të ndodhë pas luftës, duke u bërë thirrje kombeve dhe kompanive të investojnë në restaurimin e Ukrainës.
Zelensky foli veçanërisht për zhvillimin e porteve dhe qyteteve në Detin e Zi dhe rindërtimin e sektorit detar.
Australia ka vendosur sanksione ndaj më shumë se 500 individëve dhe subjekteve ruse, duke përfshirë oligarkë me lidhje të ngushta me presidentin Vladimir Putin, si dhe ministrinë e financave të Rusisë.
Australia ka ofruar ndihmë ushtarake dhe humanitare për Ukrainën dhe gjithashtu ka njoftuar ndalimin e eksporteve të aluminit dhe mineralit të aluminit në Rusi.
Rusia mbështetet në Australi për gati 20% të nevojave të saj për alumin, sipas qeverisë australiane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
