Një zjarr i përhapur me shpejtësi në Kaliforni, SHBA, u ka marrë jetën 10 personave, ndërsa 20 mijë të tjerë janë evakuuar. Zjarri i rënë në zonën qendrore cilësohet si më i rëndi në historinë e këtij shteti.
Guvernatori Jerry Broën shpalli gjendjen e emergjencës dhe urdhëroi daljen në terren të Rojës Kombëtare për të luftuar me flakët që po shkrumbojnë zonën në very të San Francisco-s.
Të paktën 1500 ndërtesa, mes të cilave shtëpi dhe struktura tregtare, janë djegur në konte të ndryshme si Napa e Sonoma dhe autoritetet vendosën evakuimin e 20 mijë personave.
Situate u përshkallëzua sidomos pasi flakët kaluan barrierën e autostradës 101, çka I detyroi njerëzit të lënë shtëpitë e tyre.
“Është një ferr i vërtetë. Nuk kisha parë kurrë më parë një gjë të tillë”, ka thënë një prej banorëve të Kenvudit.
Në përkeqësimin e situatës kanë ndikuar edhe erërat e forta dhe temperaturat e larta. Kjo është periudha e vitit kur në Kaliforni regjistrohet numri më i madh i zjarreve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
