Andrew Tate dhe vëllai i tij Tristan thuhet se janë larguar nga Rumania me një avion privat drejtuar për në SHBA.
Ndikuesit e diskutueshëm mësohet se janë larguar nga aeroporti Baneasa pak pas orës 5 të mëngjesit të së enjtes.
Fluturimi vjen më pak se dy javë pas raportimeve se zyrtarët e Trump po lobonin te qeveria rumune për të hequr kufizimet e udhëtimit për vëllezërit.
Andrew, 38 dhe Tristan, 36, të dy shtetas MB-SHBA që janë rritur në Luton, por tani jetojnë në Rumani, po përballen me akuza për trafikim njerëzor dhe abuzim seksual në Bukuresht dhe Britani.
DIICOT, shërbimi i prokurorit special rumun, ka konfirmuar se vëllezërit mbeten nën hetim, por kërkesa e tyre për t'u larguar nga Rumania u pranua. Ata do të duhet të kthehen në vend në një datë të mëvonshme për procedim penal.
Dyshja janë mbështetës të zëshëm të Donald Trump dhe kanë arritur famë në internet duke u bërë thirrje burrave të "shpëtojnë nga matrica" duke u pasuruar dhe duke refuzuar feminizmin.
Qeveria e SHBA mësohet se u ka kërkuar autoriteteve rumune që të kthejnë pasaportat e vëllezërve, duke i lejuar ata të udhëtojnë ndërkohë që hetimet vazhdojnë.
Vëllezërit janë ish-kikboksierë me ndjekës të mëdhenj në rrjetet sociale. Andrew është ndaluar nga TikTok, YouTube dhe Facebook pasi u akuzua për postim të komenteve mizogjene.
Megjithatë, ai mbetet aktiv në X, ku ka më shumë se 10 milionë ndjekës dhe e ka përshkruar veten si "mbreti i maskulinitetit toksik".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
