Donald Trump ka vënë një dorëzani prej 175 milionë dollarësh për të pezulluar vendimin për asetet e fryra të kompanive të tij, ndërkohë që vazhdon me apelimet.
Garancia pezullon gjobën e madhe prej 454 milionësh e cila iu vendos për fryrje të aktiveve të kompanive të tij për të siguruar kushte më të mira nga kompanitë e sigurimit dhe bankat.
Pagesa shmang sekuestrimin e aseteve të tij. Nëse apelimet e Trump janë të pasuksesshme, ish-presidentit do t’i kërkohet të paguajë të gjithë gjobën e vendosur ndaj tij.
Trump fillimisht u urdhërua të paguante vendimin e plotë prej 454 milionë dollarësh kundër tij, por një gjykatë apeli tha se ai mund të paguante shumën më të vogël brenda 10 ditëve.
Revista Forbes vlerëson aktualisht pasurinë neto të Donald Trump në 5.7 miliardë dollarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
