Sali Shehu rrëfen arsyen e paraqitjes në SPAK

<p>Ish-deputeti i PD, që aktualisht drejton Frymën e Re Demokratike, Sali Shehu, u shfaq dy ditë më parë në institucionin e akuzës. Paraqitja e tij e papritur në SPAK ngriti shumë pikëpyetje, të cilave ai u dha përgjigje në emisionin “Të Paekspozuarit”, në MCN TV. &nbsp;</p> <p>Shehu tha se vizita në SPAK ishte thjesht kortezi. &nbsp;</p> <blockquote> <p><em>Unë u thashë gazetarëve në hyrje dhe në dalje që kam ardhur të përshëndes dhe t’u uroj vitin e ri 2-3 miqve të mi. Ajo rrugë nuk është vetëm e atyre që kanë shkelur ligjin. Mund të shkojnë edhe njerëzit e thjeshtë për t’i mbështetur. </em></p> <p><em>Unë i përkas në historinë time të gjatë një zyrtari persistent që kanë qenë kundër lidhjes së politikës me krimin. Të shkosh atje për të përshëndetur 2-3 njerëz, miq të tutë, nuk është herezi. </em></p> <p><em>Unë në konflikt me ligjin nuk kam qenë asnjëherë. Ligji ka qenë në konflikt me mua, kur jam arrestuar vetëm pse kam marrë pjesë në varrimin e Azem Hajdarit. </em></p> <p><em>Kush ka mizën nën qeleshe, fshihet. Unë isha atje dhe takova të gjithë prokurorët që ishin aty. </em></p> </blockquote>