Ish-kryeprokurori Adriatik Llalla u arrestua sot në Romë për llogari të drejtësisë shqiptare. Por rruga drejt ekstradimit të tij drejt Shqipërisë mund të jetë e gjatë, në mos e pamundur.
Përfaqësuesi ligjor i ish-kryeprokurorit, Sokol Hazizaj, deklaroi për MCN se në bazë të konventës europiane, neni 5 për ekstradimin nuk e lejon ekstradimin e klientit të tij, pasi kjo vepër penale që rëndon mbi klientin, nuk parashikohet në shtetin italian.
Adriatik Llalla është dënuar më 22 shtator 2021 me 2 vite heqje lirie për fshehje të pasurisë për tre raste. Në bazë të vendimit, Llallës i ndalohet ushtrimi i funksioneve publike për pesë vitet e ardhshme, ndërsa i janë konfiskuar disa pasuri mes tyre toka dhe një apartament.
Llalla që ka qenë prokuror i përgjithshëm deri në fund të vitit 2017, është zyrtari më i lartë i drejtësisë në vendin tonë që është dënuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
