Preçi: Kostot e larta të shërbimeve bankare inkurajojnë mbajtjen e parave jashtë sistemit

<p>Eksperti i ekomonisë, Zef Preçi, thotë se Këshilli Mbikëqyrës i Bankës së Shqipërisë ka funksion rregullator për sistemin bankar dhe çdo keqfunksionimi i tij reflektohet menjëherë. Në lidhje me këtë, ai solli si shembull skandalin e mikrokredive.</p> <p>Preçi shtoi se kostot e larta të shërbimeve bankare inkurajojnë paranë jashtë sistemit.</p> <blockquote> <p><em>Ka një numër rregulloresh dhe bankat janë të detyruara të operojnë përmes tyre. Bankat janë të mirëkapitalizuara, pra kanë depozita në masë të konsiderueshme. Por kreditë që shkojnë për zhvillim janë në nivele të ulëta. Këshillin Mbikëqyrës e kontrollon Parlamenti. Ai ka funksion rregullator. </em></p> <p><em>Nuk duhet parë rroga si element favoritizmi. Nëse bëhet puna, nuk ka asgjë të keqe të paguhen mirë. Këshilli mbikëqyrës është rregullator. Historia e mikrokredive është rasti më ilustrues i keqfunksionimit të Këshillit Mbikëqyrës. </em></p> <p><em>Për të kuptuar rolin e këshillit dhe bankës qendrore në ekonomi rekomandohet harmonizim i politikës fiskale të qeverisë me politikën monetare të BSH. Fatkeqësisht, BSH funksionon si një institucion i qeverisë. &nbsp;Kostot e larta të shërbimeve bankare inkurajojnë mbajtjen e parave jashtë sistemit. </em></p> <p>&nbsp;</p> </blockquote>