Vazhdojnë demonstratat kundër reformës në drejtësi në Izrael. Dje, për të shtunën e njëmbëdhjetë radhazi, dhjetëra mijëra qytetarë u mblodhën në qendër të Tel Avivit . Përveç qytetit, protesta u organizuan në 120 vende të tjera në të gjithë vendin.
Në Izraelin verior qindra demonstrues u shpërndanë me ujë nga policia, e cila arrestoi disa persona.
Protestuesit argumentojnë se reforma është një rrezik për demokracinë izraelite, sepse në eliminon çdo kundërpeshë ndaj pushtetit të qeverisë aktuale.
Nga ana tjetër, qeveria dhe mbështetësit e saj mendojnë se bëhet fjalë për ribalancim të pushteteve të shtetit, sepse në dekadat e fundit gjyqësori është bërë shumë i fortë.
Reforma brenda qeverisë mbështetet si nga partitë laike nacionaliste të krahut të djathtë , si Likud i Netanyahut , ashtu edhe nga partitë ultra-ortodokse. Netanyahu në veçanti është aktualisht në gjyq për korrupsion dhe krime të tjera dhe ai beson se akuzat kundër tij janë të motivuara politikisht. Kryeministri izraelit deri më tani ka hedhur poshtë të gjitha propozimet e ndërmjetësimit, përfshirë atë të propozuar nga Presidenti Isaac Herzog.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
