Aktorja Kate Winslet, e cila do të jetë protagonistja e filmit autobiografik të Lee Miller, ka pësuar një aksident gjatë xhirimeve.
Mediat e huaja raportojnë që Winslet kaloi disa orë në spital, por fatmirësisht është mirë dhe do të mund të vazhdojë punën e saj rregullisht.
Kate ishte duke xhiruar disa skena në fshatin Kupari në Kroaci, kur humbi ekuilibrin dhe u rrëzua përtokë duke përplasur këmbën. Ajo u dërgua menjëherë në spitalin e Dubrovnikut ku mjekët që e ekzaminuan nuk gjetën asnjë problem serioz.
Në vitin 2020, Kate Winslet u zgjodh për të luajtur Lee Miller, një modele e hershme e viteve 1900, e cila u bë korrespondente e Luftës së Dytë Botërore për Vogue .
Filmi do të ndjekë jetën e fotoreporteres, të angazhuar në zbulimin e të vërtetave të tmerrshme që lidhen me nazistët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
